Leiknisliðið tapaði niður tveggja marka forskoti gegn Fram í dag
Aðspurður um leik Leiknis og Fram í dag var Kristófer brúnaþungur en lið hans fór inn til leikhlés með tveggja marka forskot sem gestirnir úr Fram unnu upp og jöfnuðu leikinn í kaflaskiptum leik.
Lestu um leikinn: Leiknir R. 2 - 2 Fram
"Þetta var mjög sérstakur leikur og við erum tvö núll yfir í hálfleik og í rauninni ekkert búnir að eiga neitt sérlega góðan dag en seinni hálfleikurinn er svolítið - maður er vel ósáttur við hann"
"Við erum að fara mikið bara inn í skelina og þetta er svolítið ólíkt okkur"
"Menn bara svoldið hættu að þora - menn urðu aðeins ragir"
Kristófer og Leiknisliðið stilltu upp 3-5-2 í dag annan leikinn í röð.
"Við höfum þetta svolítið opið - það gekk mjög vel á móti Þrótti og svona í smá köflum í dag, ég veit það ekki. Við munum skoða það á allra næstu dögum"
Athugasemdir
