Marc Dal Hende tryggði Midtyjlland danska titilinn er liðið lagði Horsens að velli með einu marki gegn engu í dag.
Kjartan Henry Finnbogason lék fyrstu 65 mínúturnar fyrir Horsens en náði ekki að koma sér á blað, aðeins nokkrum dögum eftir að hafa svo gott sem eyðilagt titilvonir Bröndby með tvennu af bekknum.
Kjartan Henry Finnbogason lék fyrstu 65 mínúturnar fyrir Horsens en náði ekki að koma sér á blað, aðeins nokkrum dögum eftir að hafa svo gott sem eyðilagt titilvonir Bröndby með tvennu af bekknum.
Eini möguleiki Bröndby á titlinum var með því að sigra Álaborg á heimavelli í dag en svo varð ekki. Gestirnir komust yfir undir lok fyrri hálfleiks og náðu heimamenn ekki að jafna fyrr en undir lokin. Hjörtur Hermannsson sat allan tímann á bekknum.
Rúnar Alex Rúnarsson hélt þá hreinu í markalausu jafntefli Nordsjælland gegn Kaupmannahöfn. Rúnar átti frábæran leik og er jafnteflið afar mikilvægt því það tryggir þriðja sæti deildarinnar, sem gefur þátttökurétt í Evrópudeildina í haust.
Kaupmannahöfn endar í fjórða sæti, einu stigi eftir Nordsjælland. Fjórða sætið gefur þátttökurétt í umspil fyrir undankeppni Evrópudeildarinnar.
Midtjylland 1 - 0 Horsens
1-0 Marc Dal Hende ('59)
Bröndby 1 - 1 Álaborg
0-1 K. Risgard ('45)
1-1 B. Rocker ('89)
Nordsjælland 0 - 0 Kaupmannahöfn
Athugasemdir