Ólafur Páll Snorrason, þjálfari Fjölnis, var ögn svekktur eftir jafntefli sinna manna gegn KR í dag.
„Fyrstu viðbrögð eru þau að ég hefði viljað vinna leikinn en eftir fyrsta hálftímann hjá okkur verð ég að vera ánægður með að fá stig hérna í dag." sagði Óli Palli eftir leik.
„Fyrstu viðbrögð eru þau að ég hefði viljað vinna leikinn en eftir fyrsta hálftímann hjá okkur verð ég að vera ánægður með að fá stig hérna í dag." sagði Óli Palli eftir leik.
Lestu um leikinn: Fjölnir 1 - 1 KR
Fjölnismenn mættu ekki til leiks fyrsta hálftímann en eftir mark Arnórs Breka tóku þeir öll völd á vellinum.
„Ég í rauninni skil ekki hvernig við vorum ekki fjórum mörkum undir eftir hálftíma leik en svo skorum við þetta mark sem að virtist kveikja svolítið í okkur."
Fjölnismenn eru með sex stig eftir fimm umferðir og hefur liðið gert þrjú jafntefli. Óli Palli er ekki nógu sáttur með stigasöfnunina.
„Ég hefði viljað vera með fleiri stig á þessum tímapunkti en svona er fótboltinn. Við erum með sex stig og við verðum að vinna með það." sagði Óli Palli að lokum.
Nánar er rætt við Óla Palla í spilaranum að ofan.
Athugasemdir