Stoke City er í viðræðum við Derby County um félagaskipti Gary Rowett, knattspyrnustjóra Derby.
Stoke reyndi að fá Rowett til að taka við liðinu í janúar en Derby lokaði á það. Nú segir Sky að Stoke sé reiðubúið til að greiða rétt tæpar tvær milljónir punda fyrir Rowett.
Stoke reyndi að fá Rowett til að taka við liðinu í janúar en Derby lokaði á það. Nú segir Sky að Stoke sé reiðubúið til að greiða rétt tæpar tvær milljónir punda fyrir Rowett.
Rowett verður því að öllum líkindum kynntur sem nýr stjóri Stoke City í vikunni en hann hefur stýrt þremur félögum í ensku neðri deildunum við mjög góðan orðstír.
Hann gerði vel hjá Burton, Birmingham og svo hjá Derby, sem rétt missti af sæti í úrvalsdeildinni í ár eftir samanlagt 2-1 tap gegn Fulham í undanúrslitum umspilsins.
Rowett var einnig leikmaður hjá þessum félögum. Taki hann við Stoke verður það fyrsta félagið sem hann stýrir án þess að hafa spilað fyrir.
Athugasemdir