FIFA hefur sent knattspyrnusambandi Mexíkó viðvörun, en það verður gripið til aðgerða ef þetta gerist aftur.

Mexíkó hefur nú þegar verið sektað átta sinnum í undankeppni HM fyrir ljóta söngva og ljót orð í garð samkynhneigðra.

„Framlag okkar á vellinum verður að engu vegna þessarar hegðunnar, við töpum leiknum, við fáum ekki að spila eða ykkur verður bannað að mæta á völlinn," segir í yfirlýsingu sem knattspyrnusamband Mexíkó sendi frá sér í dag.

„Við töpum, þið tapið, allir tapa."

Mexíkó er þessa stundina að spila gegn Nýja-Sjálandi í Álfukeppninni.