Hann segist aldrei hafa fengið þessa traktora sem voru hluti af samkomulaginu.

Þetta er allt saman leiðindarmál. Mino Raiola, ofurumbinn, er skráður sem umboðsmaður Kean, sem er einn efnilegasti leikmaður heims, en faðir leikmannsins kannast ekki við það.

„Juventus bauð samning upp á 700 þúsund pund á ári, sem er fínt, en vandamálið er það að þeir lofuðu mér líka nokkrum traktorum fyrir fyrirtækið mitt á Fílabeinsströndinni, en núna segja þeir að það sé enginn peningur til fyrir þeim," sagði Biorou Kean í eins og áður segir skemmtilegu viðtali við Tuttosport.

„Ég á land sem er nokkrir hektarar á Fílabeinsströndinni, en ég bað Juventus um að fá nokkrar vélar og þeir sögðu mér að það væri ekkert mál. Þetta hefur breyst núna."

Biorou segir að Raiola sé ekki umboðsmaður sonar síns.

„Raiola segist vera umboðsmaður sonar míns, en sannleikurinn er sá að við skrifuðum aldrei undir neinn samning. Ef ég fengi að velja þá myndi taka annan umboðsmann en hann."

Kean er gríðarlega efnilegur leikmaður, en hann verður 18 ára gamall í febrúar á næsta ári. Hann gæti farið frítt frá Juventus ef þetta skýrist ekki allt saman. Ansi furðulegt mál!