Þrír leikir fara fram í deildarkeppnunum hér heima í dag og eru þeir allir í B riðli 4.deildar.
ÍH úr Hafnarfirði spilar sinn fyrsta heimaleik í sumar þegar þeir fá lið Elliða í heimsókn. ÍH situr á toppi riðilsins með fullt hús stiga eftir fjóra leiki en Elliði situr á botninum stigalaust.
Lið Afríku fer í heimsókn á Stokkseyri og mætir þar heimamönnum. Stokkseyri er með fjögur stig eftir fjóra leiki á meðan Afríka hefur þrjú stig eftir fimm leiki.
Kópavogsdrengirnir í Augnablik kíkja svo yfir í Laugardalinn og spila þar við ungt lið SR. Augnabliksliðið hefur ekki staðið alveg undir þeim væntingum sem gerðar voru til þeirra í vor en sérfræðingur 4.deildarinnar, Magnús Valur Böðvarsson eða Maggi Bö, spáði því að liðið færi ósigrað í gegnum mótið. Augnablik sitja í þriðja sæti riðilsins með 10 stig á meðan SR menn hafa náð í þrjú stig úr fjórum fyrstu leikjunum.
miðvikudagur 21. júní
4. deild karla 2017 B-riðill
20:00 SR-Augnablik (Þróttarvöllur)
20:00 Stokkseyri-Afríka (Stokkseyrarvöllur)
20:00 ÍH-Elliði (Kaplakrikavöllur)
Athugasemdir