Roma hefur sent Stoke fyrirspurn um svissneska landsliðsmanninn Xherdan Shaqiri samkvæmt frétt Gazzetta dello Sport.
Tvö ár eru síðan hinn 25 ára Shaqiri gekk í raðir Stoke.
Það stefnir í að Roma fái 35 milljónir punda frá Liverpool fyrir vængmanninn Mohamed Salah.
Shaqiri býr yfir miklum hæfileikum eins og sást á köflum á síðasta tímabili, þar á meðal í stórglæsilegum mörkum hans gegn Hull og Middlesbrough. Kálfameiðsli settu þó strik í reikninginn hjá honum.
Hann gat aðeins byrjað 21 úrvalsdeildarleik á liðnu tímabili.
Athugasemdir