Pólskir fjölmiðlar greina frá því í kvöld að umboðsmaður landsliðsfyrirliðans Arons Einars Gunnarssonar sé staddur í Varsjá til að ræða við forráðamenn pólsku meistarana í Legia Varsjá.
Pólskir sparkspekingar telja líklegt að Aron verði leikmaður Legia í sumar en félagið hefur mikinn áhuga á honum.
Fréttamaður í Varsjá sem Fótbolti.net talaði við í kvöld segir að heimildirnar séu mjög áreiðanlegar.
Fyrr í kvöld sögðum við frá því að Maccabi Tel Aviv í Ísrael viji fá Aron í sínar raðir.
Aron var valinn leikmaður ársins hjá félagsliði sínu, Cardiff í ensku Championship-deildinni, á liðnu tímabili. Aron hefur þó talað um það í viðtölum hversu mikið leikjaálagið í deildinni sé.
Áhugavert verður að sjá framhaldið í málum Arons.
🔜Jerry de Koning, agent Islandczyka Arona Gunnarssona (Cardiff City) jest w Warszawie, ustalane są szczegóły transferu do @LegiaWarszawa.
— Janekx89 (@janekx89) June 21, 2017
Athugasemdir