Eftir að Ronaldo var sakaður um skattsvik á Spáni láku fréttir út að hann vildi komast í burtu frá Madrid og hafa United verið stanslaust orðaðir við hann síðan.

Nýjustu fregnir herma hins vegar að Jose Mourinho, knattspyrnustjóri United, er á varðbergi fyrir því að hann sé notaður sem peð til þess að Ronaldo fái nýjan og endurbættan samning hjá Real.

Hann ætli því að einbeita sér algjörlega að því að reyna að sækja Morata sem er talinn vera metinn á 70 milljónir evra. Það var jú einmitt Mourinho sem stjórnaði Real þegar Morata spilaði sinn fyrsta leik fyrir félagið svo kauðarnir þekkjast ágætlega.

Þrátt fyrir að mikið sé talað um að United hafi gert tilboð í síðustu viku í Morata þá steig Florentino Perez, forseti Real Madrid, fram í vikunni og sagði að engin tilboð hefðu borist til hans, hvorki í Morata eða Ronaldo.