Hins vegar mun fara fram dómsmeðferð um þátt Juventus í málinu en FIFA óskaði eftir því við bæði lið í síðasta mánuði að útskýra hvernig félagaskiptin fóru fram. Talið er að FIFA hafi viljað fá á hreint hverjir komu að félagaskiptunum sem hljóðuðu upp á 89,3 milljónir punda.

Sögur hafa verið á kreiki um að umboðsmaður Pogba, Mino Raiola, hafi fengið 41 milljónir punda út úr félagaskiptunum og að Pogba sé í raun í eigu þriðja aðila en Raiola hefur ávallt neitað þeim ásökunum

„Við getum staðfest að engin mál hafi verið opnað gegn Manchester United," sagði FIFA-talsmaður ESPN.

„Við getum staðfest að dómsmeðferð hafi verið opnuð gegn Juventus FC. Við getum ekki tjáð enn frekar þar sem mál eru í gangi."