Hvert fer Zlatan?
Mino Raiola, hinn skrautlegi umboðsmaður Zlatan Ibrahimovic og fleiri fótboltamanna, segir að Zlatan sé með tilboð frá Norður-Ameríku og frá Ítalíu. Hann segir að það sé möguleiki á því að sænski sóknarmaðurinn muni á næsta tímabili spila í Seríu A.
Hinn 35 ára gamli Zlatan fékk ekki nýjan samning hjá Man Utd.
Hinn 35 ára gamli Zlatan fékk ekki nýjan samning hjá Man Utd.
Hann varð fyrir alvarlegum meiðslum í leik gegn Anderlecht í 8-liða úrslitum Evrópudeildarinnar og eftir það ákváðu rauðu djöflarnir að endursemja ekki við hann fyrir næsta tímabil.
Zlatan leitar sér nú að nýju liði og Sería A er möguleiki.
„Það hafa mörg lið áhuga á Zlatan; frá MLS-deildinni í Bandaríkjunum, en líka á Ítalíu," sagði Raiola. „Napoli? Allt er mögulegt, en ég held að Napoli sé ekki hans næsta lið."
Zlatan hefur áður spilað á Ítalíu með góðum árangri. Hann var fyrst hjá Juventus, fór síðan til Inter og spilaði síðast með AC Milan.
Athugasemdir
