Bandaríski markvörðurinn Caitlyn Alyssa Clem átti nokkrar góðar vörslur fyrir Selfoss gegn Þór/KA og þá var austurríska landsliðskonan Sophie Maierhofer sterk á miðjunni.

Hrafnhildur Hauksdóttir, lánsmaður frá Val, skipar vörnina ásamt Málfríði Ernu Sigurðardóttur og Ástu Eir Árnadóttur sem átti góðan leik er Blikar sigruðu FH 3-1. Landsliðskonan Selma Sól Magnúsdóttir er á hægri kantinum eftir flotta frammistöðu gegn FH.

Thelma Björk Einarsdóttir átti góðan leik á miðjunni hjá Val gegn KR en markaskorararnir úr þeim leik, Elín Metta Jensen og Guðrún Karítas Sigurðardóttir komast líka í lið umferðarinnar. Guðrún Karítast kom inn af bekknum á 76. mínútu en náði að skora tvö mörk og kom með líf inn í leikinn.

Shameeka Fishley, leikmaður umferðarinnar, er frammi með Elínu Mettu. Og síðasti leikmaðurinn í liðið er Lára Kristín Pedersen úr Stjörnunni.

Karitas Tómasdóttir úr Selfossi var óheppin að fá ekki sæti í liðinu að þessu sinni.