Sparkspekingurinn og fyrrum landsliðsmaður Englands, Gary Lineker segir á Twitter að hann muni ekki eftir svona lélegu liði hjá Argentínu.
Lineker þekki það vel að spila gegn Argentínu og spilaði hann í einum frægasta leik allra tíma, þegar England tapaði 2-1 gegn Argentínu á HM 1986.
Lineker skoraði mark Englands í þeim leik en það muna færri eftir því. Heldur muna allir eftir marki aldarinnar og hönd guðs hjá Diego Maradona.
„Í öll þessi ár að horfa á Argentínu, þá man ég ekki eftir svona lélegu liði hjá þeim," segir Lineker.
Þá hrósar Lineker einnig Modric en hann var frábær í leiknum í kvöld.
Brilliant from Modric but in all the years of watching Argentina I can’t remember them ever having such a poor side.
— Gary Lineker (@GaryLineker) June 21, 2018
Athugasemdir