Þjálfarinn efnilegi Julian Nagelsmann mun hætta með Hoffenheim eftir næsta tímabil og taka við RB Leipzig. Þetta var tilkynnt núna fyrir nokkrum mínútum.

Nagelsmann, sem er aðeins þrítugur, tók við Hoffenheim í febrúar 2016 og hefur stýrt liðinu með eftirtektarverðum árangri.

Búið er að orða Nagelsmann við stærri félög en Leipzig upp á síðkastið, félög eins og Bayern München og Arsenal, en hann hefur ákveðið að taka við Leipzig, sem endaði í fimmta sæti á síðustu leiktíð, tveimur stigum á eftir Hoffenheim.