Neymar var með á æfingu Brasilíu í dag en hann haltraði af æfingu liðsins í gær eftir að hafa fengið högg á hægri ökklann.

Æfing Brasilíu í dag var lokuð fyrir fjölmiðlum en knattspyrnusamband Brasilíu sagði að Neymar hafi tekið fullan þátt á æfingu liðsins í dag.

Neymar var frá í þrjá mánuði á síðasta tímabili vegna meiðsla í hægri fæti og voru einhverjir smeykir um að sömu meiðsli hefðu tekið upp á sig aftur.

Brasilía gerði jafntefli við Sviss í fyrsta leik en Kosta Ríka tapaði gegn Serbíu.