,,Það er gaman að fá svona viðurkenningu. Fyrri helmingurinn hefur gengið vel og ég vona að við allir dómarnir náum að standa okkur vel seinni helminginn. Þetta kom mér nokkuð á óvart, það hafa margir dómarar staðið sig frábærlega í sumar. Maður hefur ekki heyrt mikið af kvörtunum. Ég er mjög sátt með mína frammistöðu," sagði Bríet sem segir að leikmenn kippi sér ekkert upp við það þó það sé kvenmaður að dæma.

,,Eini munurinn er að þær þekkja mig kannski betur. Ég hef verið að spila með einhverjum leikmönnum hér og þar. Við erum fámennar konurnar sem eru að dæma og við viljum fá sem flestar til liðs við okkur. Við sem erum að dæma núna eru mjög duglegar og stöndum okkur vel. Þetta er frábært tækifæri til að hreyfa sig og halda sér áfram í boltanum. Þó maður hætti að spila eins og við gerum flestar um tvítugsaldur þó sumar haldi áfram, þá getum við fært okkur inn á önnur svið fótboltans, haldið áfram að dæma og notið þess að vera á vellinum áfram," sagði Bríet sem segist vera með sín markmið.

,,Ég vonast til að dæma stærstu kvennaleikina á næstu árum," sagði besti dómari fyrri umferðar í Pepsi-deild kvenna að lokum í samtali við Fótbolta.net.

Viðtalið í heild sinni er hægt að sjá í sjónvarpinu hér að ofan.