Alvaro Morata, leikmaður Juventus á Ítalíu, verður frá næstu 40 daga vegna meiðsla á hné en ítalskir fjölmiðlar greina frá þessu í kvöld.
Juventus keypti Morata frá Real Madrid á dögunum en framherjinn ungi var keyptur á 20 milljónir evra.
Hann var ekki búinn að mæta á margar æfingar hjá ítalska meistaraliðinu áður en hann meiddist á hné í dag.
Ítalskir fjölmiðlar greina frá því að Morata verði frá næstu 40 daga vegna meiðslanna eða næstu sex vikurnar.
Athugasemdir