Þær eru með ungt og skemmtilegt lið og örugglega staðráðnar að gera betur í seinni umferðinni svo við vissum að þetta yrði hörkuleikur enda sýndi það sig," sagði Ragna Lóa Stefánsdóttir þjálfari Fylkis eftir 1-0 sigur á ÍA í Pepsi-deild kvenna í kvöld.
Lestu um leikinn: Fylkir 1 - 0 ÍA
,,Við erum með mjög góða vörn og leggjum út frá því og svo potum við inn einu marki öðru hvoru. Það skilar okkur árangri. Þetta voru mjög mikilvæg stig að ná í og við sitjum alveg þokkalega í deildinni svo við Fylkisfólk erum hæstánægð í dag," bætti hún við.
Fylkir hefur varist vel í deildinni í sumar og komst í 2. sætið með sigrinum. Liðið skorar samt lítið og markið í kvöld var það níunda í tíu leikjum. Er enginn markaskorari á leiðinni?
,,Það er aldrei að vita. Það kemur bara í ljós en þetta lið sem ég hef hefur skilað frábærum árangri svo við þurfum að bæta miklu við."
Hermann Hreiðarsson eiginmaður Rögnu Lóu var ekki á hliðarlínunni í kvöld en Helena Ólafsdóttir, ný hætt sem þjálfari Vals, var Rögnu Lóu til aðstoðar. Er hún búin að henda Hemma út fyrir Helenu?
,,Nei nei, við bætum bara endalaust við í þjálfarateymið. Það er algjör búbót að fá hana aðeins inn í þetta. Hún er bara með hægri löppina með okkur og kannski að hún geti bætt eitthvað við sóknarleikinn. Hún kemur bara sem vinur til að aðstoða því minn aðstoðarmaður er í burtu. Vonandi verður hún áfram hjá okkur, hún er frábær þjálfari og vinur og gaman að fá hana."
Athugasemdir