Portúgalski miðjumaðurinn Tiago Mendes hefur framlengt samning sinn við Atletico Madrid til næstu tveggja ára en félagið staðfesti þetta í kvöld.
Tiago, sem er 33 ára gamall, var lykilmaður í liðinu sem vann spænsku deildina á síðustu leiktíð og komst í úrslitaleik Meistaradeildar Evrópu en hann hefur komið víða við.
Hann lék árum áður með liðum á borð við Benfica, Chelsea, Juventus og Lyon áður en hann fór til Atletico Madrid.
Hann hefur nú framlengt samning sinn við Atletico til ársins 2016 en félagið staðfesti það í kvöld.
Hann á þá að baki 58 landsleiki fyirr portúgalska landsliðið en hann var partur af liðinu sem fékk silfur á EM 2004 í heimalandinu.
Athugasemdir