Leikur umferðarinnar: FH 1 - 3 KR
Tvö efstu lið deildarinnar mættust. FH byrjaði vel en svo náði KR að snúa dæminu algjörlega sér í hag á meðan FH-ingar misstu hausinn og einbeitingin fór í annað en fótboltann. Gary Martin reyndist gulls ígildi með innkomu sinni.
Sjá skýrsluna
EKKI lið umferðarinnar:
Gríðarlega margir sem gerðu tilkall í Ekki liðið að þessu sinni! Hægt hefði verið að velja nánast allt Keflavíkurliðið, mun fleiri Fjölnismenn og nokkra FH-inga til viðbótar sem einbeittu sér meira að tuði en að spila fótbolta.
Pressa umferðarinnar: FH
FH-ingar hafa verið í mótlæti síðustu vikur og það virðist fara ansi illa í þá. Það var mikið tuðað og vælt í Krikanum á sunnudag. Heimir Guðjónsson viðurkennir að hafa ekki fundið neinar lausnir á slakri spilamennsku. FH fer í gegnum júní og júlí án þess að vinna deildarleik í Kaplakrika.
Atvik umferðarinnar: Vítið sem KR fékk
Sam Tillen var dæmdur brotlegur á Pálma Rafni Pálmasyni. KR fékk víti og jafnaði 1-1. FH-ingar misstu hausinn. Sjónvarpsvélarnar náðu atvikinu illa en Pálmi segir að sparkað hafi verið aftan í sig.
Hlátur umferðarinnar: Albert Hafsteinsson
Þessi ungi leikmaður ÍA hló þegar hann skokkaði af velli eftir að hafa fengið rautt spjald gegn Stjörnunni. Marki undir og manni færri náðu Skagamenn að þjappa sér saman, jafna og ná í risastórt stig. Garðar Gunnlaugsson skoraði.
Ekki skiptingar umferðarinnar: Stjarnan
Garðabæjarliðið tapaði niður frábærri stöðu gegn ÍA. Mennirnir sem komu inn stóðu ekki undir væntingum. Veigar Páll náði ekkert að gera, Þorri Geir missti boltann klaufalega þegar ÍA jafnaði og Halldór Orri klúðraði víti.
Beint í byrjunarlið umferðarinnar: Guðjón Baldvinsson
Lenti 21:00 á Keflavíkurflugvelli á föstudagskvöld og flaug bókstaflega beint inn í byrjunarlið Stjörnunnar 16 klukkustundum síðar.
Litur vikunnar: Helvíti svartur
„Þetta er helvíti svart," sagði Einar Orri Einarsson um stöðu Keflavíkur. Ekkert virðist geta bjargað liðinu frá falli. Keflvíkingar létu flengja sig gegn Víkingum 7-1. Þegar menn eru hættir að veita mótspyrnu virðist fátt geta bjargað þeim.
Túlkur umferðarinnar: Denis Cardaklija
Nýr serbneskur sóknarmaður Víkinga átti ótrúlega innkomu gegn Keflavík. Enskukunnátta hans er þó í lágmarki en varamarkvörður Víkinga brá sér í hlutverk túlks.
Mark umferðarinnar: „Klársla" Alberts Brynjars
Fylkismenn náðu í fjögur stig í fyrstu tveimur leikjum undir stjórn Hermanns Hreiðarssonar. Albert Brynjar Ingason skoraði eina markið í leiknum gegn Breiðabliki í gær og það var ekki af verri endanum!
Smelltu hér til að sjá markið
Sturta umferðarinnar: Hemmi Hreiðars
Þjálfarinn Hemmi Hreiðars hljóp álíka mikið og allir í Fylkis-liðinu í gær á hliðarlínunni. Fór svo með þeim í sturtu eftir leik.
Tölvukallar umferðarinnar: Tölvukallar Vals
„Við erum í tölvusambandi við marga menn, tölvumennirnir okkar sjá um það," sagði Ólafur Jóhannesson, þjálfari Vals, eftir 1-0 útisigur gegn Leikni.
Dómari umferðarinnar: Þorvaldur Árnason
Fékk 9 í einkunn fyrir flautuframmistöðuna í leik Víkings og Keflavíkur.
Þörf á töfrabrögðum umferðarinnar: Leiknir
Freyr Alexandersson, annar þjálfari Leiknis, óskaði í viðtölum eftir leikmanni sem getur boðið uppá töfrabrögð fyrir lítinn pening. Leiknismenn hafa verið á stöðugri niðurleið eftir góða byrjun, falldraugurinn svífur um Breiðholtið og liðið á í miklum vandræðum með sóknaruppbyggingu og færasköpun. Liðið hefur aðeins skorað 4 mörk í 6 heimaleikjum.
Heiðursverðlaun umferðarinnar: Maggi Peran
Stuðningsmenn Leiknis eru þó ekki í neinu ströggli. Maggi Peran sá um vaktina á Fotboltinet á Snapchat í gær og fór þessi litríki maður hreinlega á kostum. Heimsótti Vog, rændi Aroni Sigurðarsyni, hitaði upp á Álfinum, svaraði spurningum, braust inn í sundlaug og fleira. Viðbrögðin létu ekki á sér standa á Twitter undir #peruvaktin:
Mánudagur til mæðu breytist í Mánudagur með Magga, #peruvaktin bjargaði deginum, árinu og allt í einu langar mig á fótboltaleik 😂@maggiperan
— Marta Ⓜ (@mkj83) July 21, 2015
#peruvaktin @Fotboltinet snapchat er leikmaður umferðarinnar þó #pepsimörkin segja annað! #realtalk
— Einar Ingi Hrafnsson (@einarhrafnsson) July 21, 2015
Sá sem er næstur á eftir perunni á .net snappinu er í svipaðri stöðu og Moyes þegar hann tók við af Sir Alex #fotboltinet #peruvaktin
— Haraldur Stefánsson (@HalliStef93) July 20, 2015
@Fotboltinet mígðu á Hólabrekkuskóla hvað Maggi Pera er að eiga internetið í dag! #peruvaktin
— Siggi sonur Sóla (@Solmundarson) July 20, 2015
#peruvaktin 👌 þvengurinn med thvi fyndnara sem eg hef sed a snapchat.. @maggiperan 👏
— Ronnimall (@ronnimall) July 20, 2015
Peran priceless, #ertumeðtattoo i sjónvarpið með hann #peruvaktin #leiknisljonin
— Ótthar Edvardsson (@OttharE) July 20, 2015
Held að #peruvaktin verði að fá vikulegan netþátt á .net eftir frammistöðu dagsins. Held að það verði barist um þennan gæja #Endarísjónvarpi
— Gunnlaugur Jonsson (@gullijons) July 20, 2015
Peran að sækja TG9 á vog besta sem ég hef séð á snapchat #fotboltinet #peruvaktin
— Geir Ulrich (@UlrichGeir) July 20, 2015
Kynntist mörgum góðum mönnum árið sem ég spilaði með Leikni. #Maggiperan er einn sá allra besti af þeim! #Peruvaktin
— Björn Sigurbjörnsson (@bjossilitli) July 20, 2015
haha Peran er meðetta! #Fotbolti.net
— Auðunn Blöndal (@Auddib) July 20, 2015
Toppurinn á ferlinum - get hætt núna #peruvaktin pic.twitter.com/Z5xtAJbnh9
— Maggi Peran (@maggiperan) July 20, 2015
Daginn eftir #Peruvaktin - ryðgun á hæsta stigi #fotboltinet pic.twitter.com/D3xyDAUW4j
— Maggi Peran (@maggiperan) July 21, 2015