„Ég er bara frekar svekkt. Sérstaklega með seinni hálfleikinn hérna í dag. Mér fannst fyrri hálfleikurinn góður hjá okkur og við vorum vel inní þessu.“ Sagði Guðrún Jóna Kristjánsdóttir þjálfari Þróttar eftir 5-1 gegn Þór/KA í kvöld.
Lestu um leikinn: Þór/KA 5 - 1 Þróttur R.
„Annað markið kemur og þá dettum við niður í staðinn fyrir að halda áfram og ég er svekkt með seinni hálfleikinn. Við áttum bestu færin í fyrri hálfleik og spiluðum mjög vel.“
Þróttarar skoruðu mark í leiknum í dag en það er einungis annað mark þeirra í sumar. Guðrún var spurð hvort þætta gæfi liðinu sjálfstraust: „Eins og ég er búinn að segja. Ég veit alveg að mörkin koma og eins og sást í dag, með færin sem við vorum að fá.“
Rebekah Bass spilaði sinn fyrsta leik með Þrótti í dag. Guðrún var ánægð með innkomuna sem hún átti. „Mér fannst hún koma vel út. Þetta er skemmtilegur leikmaður, fljótur leikmaður og Góð í fótbolta. Bara mjög góð viðbót við okkar hóp.„
Nánar er rætt við Guðrúnu í spilaranum fyrir ofan
Athugasemdir