„Maður er auðvitað bara glaður og ánægður með að vinna leik og gaman að fá fimm góð mörk aftur, mjög ánægður með það.“ Sagði Jóhann Kristinn Gunnarsson þjálfari Þór/KA eftir stórsigur á Þrótti , 5-1.
Lestu um leikinn: Þór/KA 5 - 1 Þróttur R.
„Við áttum fínasta start í leiknum og skorum mark tiltölulega snemma en við verðum að játa á okkur svona kæruleysi eftir að við skorum þetta mark. Mér fannst þær fá tvö bestu færi fyrri hálfleiksins og ég þakka markmanni okkar fyrir. Hún varði einu sinni glæsilega.“
„Mér fannst það slá þær duglega þetta annað mark. Þetta var gríðarlega vel gert hjá Kaylu og Söndru. Mér fannst það slá þær hressilega. Það var eins og við það hafi þær mist trúna.“
Þór/KA skoraði fimm mörk í leiknum. Fjórir markaskorarar skiluðu mörkunum inn. Jóhann var að vonum ánægður með það: „Bara ánægjulegt að sjá að þær eru að dreifa þessu aðeins á milli sín. Ég er bara ánægður með mörkin. Það skiptir engu máli fyrir okkur í Þór/KA hver skorar mörkin það bara að við skorum þau.“
Nánar er rætt við Jóhann í spilaranum fyrir ofan
Athugasemdir