„Að mínu mati stóðum við okkur vel allan leikinn þó að við höfum fengið þetta skítamark á okkur á 70. mínútu," sagði Júlíus Júlíusson þjálfari Aftureldingar eftir 1-0 tap gegn Breiðabliki í Pepsi-deild kvenna í kvöld.
Aftureding náði að stríða toppliði Blika en Rakel Hönnudóttir tryggði heimastúlkum sigurinn í síðari hálfleik.
„Ég er gríðarlega ánægður með stelpurnar. Þær héldu skipulaginu og stóðu sig gríðarlega vel," sagði Júlíus en Afturelding var manni fleiri nánast allan síðari hálfleikinn eftir að Telma Hjaltalín Þrastardóttir fékk rauða spjaldið.
Aftureding náði að stríða toppliði Blika en Rakel Hönnudóttir tryggði heimastúlkum sigurinn í síðari hálfleik.
„Ég er gríðarlega ánægður með stelpurnar. Þær héldu skipulaginu og stóðu sig gríðarlega vel," sagði Júlíus en Afturelding var manni fleiri nánast allan síðari hálfleikinn eftir að Telma Hjaltalín Þrastardóttir fékk rauða spjaldið.
„Helen (Lynskey) lá og Telma sparkaði hana þannig að það verðskuldaði rautt spjald."
Afturelding er eftir leikinn sem fyrr með eitt stig á botni deildarinnar.
„Við trúum á það sem við erum að gera og ætlum að fara í næsta leik og gera okkar besta. Ef við höldum áfram svona þá hljótum við að fara að taka sigur."
Hér að ofan má sjá viðtalið í heild sinni.
Athugasemdir