Heimild: Sky Sports
Phillip Lahm, fyrirliði Bayern Munchen, segir að hann geti ekki tryggt það að Thomas Muller muni ekki fylgja Bastian Schweinsteiger frá félaginu til Manchester United.
Louis Van Gaal, stjóri Man Utd, greindi frá því á mánudag að hann hefði áhuga á sóknarmanni sem ekki hefði áður verið orðaður við enska stórliðið.
Louis Van Gaal, stjóri Man Utd, greindi frá því á mánudag að hann hefði áhuga á sóknarmanni sem ekki hefði áður verið orðaður við enska stórliðið.
Samkvæmt heimildum í Þýskalandi er þessi leikmaður Thomas Muller, framherji Bayern og er United sagt undirbúa risatilboð í framherjann.
"Það er ekki mín ákvörðun, en hlutirnir geta gerst mjög fljótt í fótbolta," sagði Lahm þegar hann var spurður út í málið.
"Ég get svo sannarlega ekki útilokað það að Thomas Muller fari til Man Utd."
Lahm var þó fljótur að útiloka það að hann sjálfur væri á leið frá Bayern.
"Ég er ekki á leið burt. Ég er ánægður með að hafa getað varið nánast öllum mínum ferli hjá sama félaginu," sagði Lahm
Athugasemdir