Ágúst Gylfason, þjálfari Fjölnis, hefði viljað þrjú stig á Ólafsvíkurvelli í kvöld en leikar enduðu með 2-2 jafntefli.
„Það er vont að fara ekki með öll þrjú stigin. Við vorum varla mættir hérna fyrstu 35 mínúturnar og Ólsararnir voru töluvert betri en við. Eftir rauða spjaldið stjórnum við leiknum," segir Ágúst.
Emir Dokara fékk beint rautt spjald undir lok fyrri hálfleiks og breytti það miklu fyrir gang leiksins.
>„Hann fór frekar harkalega í boltann og það er stórt sár á mínum leikmanni. Þetta var áhættusamt en hvort þetta var rautt eða ekki, menn verða að dæma um það."
Fjölnismenn eru í 2.sæti deildarinnar, fjórum stigum á eftir toppliði FH sem á einn leik til góða.
„Það hefði verið kærkomið að fá þrjú stig í dag og það hefði sett okkur í góða stöðu en við erum ennþá inn í þessu og við verðum bara að halda áfram," segir Ágúst.
Nánar er rætt við Ágúst í spilaranum hér fyrir ofan.
Athugasemdir