Lestu um leikinn: FH 4 -  2 Fram

,,Við byrjuðum þennan leik mjög vel og komumst sanngjarnt yfir. við byrjuðum seinni hálfleikinn ágætlega en svo slökknaði aðeins á okkur. Þeir breyttu í 4-4-2 og ég var of lengi að bregðast við því og við hleyptum þeim inn í leikinn. En Atli Viðar kláraði þetta fyrir okkur," sagði Heimir en varamaðurinn Atli Viðar Björnsson skoraði fjórða mark FH.

,,Þetta var erfiður leikur. Framrarnir héldu áfram allan tímann og breyttu eins og ég sagði áðan í 4-4-2 og við réðum ekki vel við það. Þeir fá kredit að hætta aldrei."

,,Þetta er þriðji leikurinn á átta dögum hjá okkur en í seinni hálfleik hefði mátt halda skipulaginu aðeins betur."

Leikur Stjörnunnar og Fjölnis var frestaður vegna veðurs en mikil rigning og 15 metrar á sekúndu er á höfuðborgarsvæðinu. Fannst Heimi veðrið hafa áhrif á leikinn í Kaplakrika?

,,Nei það er oft þannig í Kaplakrika að þó það sé slæmt veður fyrir ofan okkur þá er fínt veður á vellinum. Það var vel hægt að spila góðan fótbolta."

FH er komið með 3 stiga forskot á Stjörnuna sem á leikinn við Fjölni inni á þriðjudaginn.

,,Við þurfum að fókusera á það sem við erum að gera og það er alveg nóg fyrir okkur. Við eigum eftir tvo erfiða leiki næstu helgi við Val og það er fjórða skrefið af þessum fimm. Við þurfum að æfa vel í vikunni og byrja að fókusear á þann leik í vikunni."