Góðan daginn. Það er kominn sunnudagur en hér að neðan má sjá helsta slúður ensku blaðanna. Að vanda var það BBC sem tók pakkann saman.

---

Louis van Gaal þjálfari Man Utd þarf að greiða 60 milljónir evra fyrir Kevin Strootman ef hann vill leikmanninn í janúar. (Sunday Mirror)

West Ham vill fá Jermain Defoe aftur á Upton Park en þeir munu þurfa að berjast við QPR um að fá leikmanninn. (Sunday Mirror)

Arsenal og Tottenham munu berjast um Fabian Schar varnarmann Basel í janúar. (Daily Star)

Man Utd eru varkárir um kaup á Cristiano Ronaldo vegna þess að hann hafnaði þeim í fyrra og gerði í staðinn nýjan samning við Real Madrid. (Sunday Telegraph)

Fiorentina og Juventus hafa lýst áhuga sínum á að fá Adnan Januzaj á láni frá Man Utd út tímabilið. (Metro)

Arsene Wenger segist aldrei hafa misst trúnna á Mesut Özil sem tókst að skora gegn Aston Villa á laugardaginn. (Telesport)

Jamie Redknapp segir brotthvarfið á Luis Suarez og skort á leiðtogum í liðinu geri það að verkum að liðið eigi ekki möguleika á að vinna deildina. (SkySports)

Malky Mackay fyrrum þjálfari Cardiff er orðaður við þjálfarastöðuna hjá Fulham en hann horfði á leik liðsins um helgina gegn Blackburn. (Mail on Sunday)