Áhorfendur á leik FH og Fram í Kaplakrika í kvöld tóku eftir þegar Steven Lennon framherji FH hljóp út að hliðarlínu og lét Jónas Grana Garðarsson sjúkraþjálfara kíkja á typpið á sér í miðjum leik.
Lennon greindi svo frá því á Facebook síðu sinni í kvöld að hann hafi fengið rifu á typpið á sér í leiknum.
,,Ok, í leiknum í kvöld rifnaði typpið á mér og ég er með þrjá heftiplástra því þetta er svo djúpt," sagði Lennon á Facebook síðu sinni í kvöld.
,,Hvernig á þetta að lagast samt?? Hvaða maður getur sleppt því að verða harður þar til þetta lokast? Ég er í vandræðum!!"
Lesendur á Facebook síðu Lennon neituðu í fyrstu að trúa honum en hann bakkaði ekki með söguna og þeir sem voru á leiknum sáu að hann var í vandræðum með typpið á sér.
,,Ég sver það! Ég tók myndir en get ekki sett þær hér. Gaurinn hoppaði upp og var á leið niður þegar takkarnir fóru í typpið á mér og hljóta að hafa rifið það niður og rifið það opið. Haha vesen."
Lennon bætti svo að lokum við að fólk hefði átt að sjá svipinn á Jónasi Grana þegar hann þurfti að setja á hann plásturinn.
Athugasemdir