Ekki er vitað hvort hollenski sóknarmaðurinn Geoffrey Castillion spili áfram hér á landi næsta tímabil.
Þessi 26 ára leikmaður hefur skorað 9 mörk í þeim 14 leikjum sem hann hefur spilað fyrir Víking Reykjavík og var greint frá því í vikunni að Víkingar hafa rætt við hann um framhaldið.
Þessi 26 ára leikmaður hefur skorað 9 mörk í þeim 14 leikjum sem hann hefur spilað fyrir Víking Reykjavík og var greint frá því í vikunni að Víkingar hafa rætt við hann um framhaldið.
Castillion var gestur í útvarpsþættinum Akraborgin á X977 í dag og þar sagði hann að helsta markmið sitt væri að komast aftur í hollensku úrvalsdeildina.
Hann kom upp úr unglingastarfi Ajax og spilaði svo fyrir RKC Waalwijk, Heracles og NEC Nijmegen á lánssamningum.
Castillion veit ekki af áhuga frá félögum í Hollandi sem stendur og segir mögulegt að hann taki næsta skref frá Íslandi eftir tímabilið eða spili mögulega áfram hér á landi.
Sögusagnir eru um að stærstu félög Íslands horfi til hans og segist Castillion ætla að klára þá tvo leiki sem Víkingur eigi eftir og svo sé hann tilbúinn að hlusta á öll tilboð sem berast.
Athugasemdir