Igor Jugovic með boltann.
„Þetta voru fyrstu mörkin mín á tímabilinu og þetta voru mikilvægustu mörk tímabilsins," sagði Igor Jugovic, miðjumaður Fjölnis, eftir 2-1 sigurinn á FH í kvöld.
Lestu um leikinn: Fjölnir 2 - 1 FH
Igor skoraði sín fyrstu tvö mörk í Pepsi-deildinni í sumar í sigrinum í Grafarvogi í kvöld. Igor skoraði sigurmarkið á 89. mínútu og reif sig
úr að ofan til að fagna því.
„Mér var ekki kalt á þessu augnabliki því að adrenalínið var mikið. Allir hoppuðu á mig og mér var ekki kalt," sagði Igor.
Fyrra markið skoraði Igor af 40 metra færi eftir að Gunnar Nielsen, markvörður FH, átti misheppnaða spyrnu fram völlinn.
„Mér finnst vippur yfir markverði og skot á lofti vera bestu mörkin í fótboltanum. Þetta er besta markið á ferlinum," sagði Igor.
Hér að ofan má sjá viðtalið í heild sinni.
Athugasemdir
