Phil Neville, sérfræðingur Sky og fyrrum leikmaður Manchester United, segir að Marcus Rashford sé í sama gæðaflokki og Kylian Mbappe hjá PSG og Ousmane Dembele hjá Barcelona.
Hinn 19 ára gamli Rashford skoraði tvö mörk og lagði upp eitt í 4-1 sigri Manchester United á Burton í gær.
Hinn 19 ára gamli Rashford skoraði tvö mörk og lagði upp eitt í 4-1 sigri Manchester United á Burton í gær.
„Allir hrósa Ousmane Dembele og Kylian Mbappe en enginn talar um Rashford hér í landi," sagði Neville.
„Af því að hann er enskur segjum við bara 'hann spilar á vinstri kanti og er ágætur."
„Hann er í sama gæðaflokki og Dembele og Mbappe sem geta spilað á báðum köntunum. Fólk segir að Rashford eigi að spila frammi en þú getur látið hann spila hvar sem er því hann er nægilega góður."
„Rashford er í sama gæðaflokki og þessir tveir, 100-150 milljóna punda leikmenn. Hann er jafn góður og þessir tveir og getur orðið það í framtíðinni líka því að hann er að bæta sig á hverju tímabili."
„Hann skaust fram á sjónarsviðið undir stjórn Louis van Gaal og sló í gegn. Á öðru tímabili sínu hjá Jose Mourinho héldu allir að hann myndi ekki spila en hann spilaði í öllum stóru leikjunum. Núna er hann að bæta mörkum við leik sinn og hann getur orðið heimsklassa leikmaður."
Athugasemdir