banner
   þri 21. október 2014 14:49
Magnús Már Einarsson
Nokkur nöfn í umræðunni hjá KSÍ fyrir U19 ára landsliðið
Óvíst hvort Eyjólfur og Tómas Ingi haldi áfram
Eyjólfur er með samning til áramóta.
Eyjólfur er með samning til áramóta.
Mynd: Fótbolti.net - Ingunn Hallgrímsdóttir
Kristinn Rúnar Jónsson er að hætta með U19 ára landslið karla eftir átta ára starf.

Kristinn Rúnar staðfesti við Fótbolta.net í dag að hann hafi átt í viðræðum við Fram og líklegt er að gengið verði frá samningum síðar í dag.

Þórir Hákonarson, framkvæmdastjóri KSÍ, segir ekki ljóst hver eftirmaður Kristins verður.

,,Það eru nokkur nöfn sem hafa komið upp og þetta er í skoðun," sagði Þórir við Fótbolta.net í dag.

Samningur Eyjólfs Sverrissonar og Tómasar Inga Tómassonar með U21 árs landsliðið rennur út um áramótin en að sögn Þóris eru samningamálin þar einnig í skoðun og ekki ljóst hvort þeir muni halda áfram eða ekki.

,,Það er yfirleitt tekin ákvörðun um það á nýju ári. Við höldum áfram fram að áramótum og svo kemur í ljós hvort við höldum áfram," sagði Tómas Ingi um samningamálin í viðtali við Fótbolta.net eftir að liðið datt út gegn Dönum á útivallarmarki í umspili um sæti á EM.
Athugasemdir
banner
banner
banner
banner