Heimild: Stöð 2
Bjarni Guðjóns líklega næsti þjálfari KR
Fullyrt var í fréttum Stöðvar 2 í kvöld að Rúnar Kristinsson yrði næsti þjálfari norska úrvalsdeildarliðsins Lilleström. Þar var sagt að Pétur Pétursson, sem verið hefur aðstoðarmaður Rúnars hjá KR, muni fylgja honum til Noregs.
„Norskir fjölmiðlar hafa ekkert fengið staðfest frá Lilleström varðandi ráðningu á nýjum þjálfara en forráðamenn liðsins eru rólegir, væntanlega vegna þess að málið er frágengið," sagði Guðjón Guðmundsson á Stöð 2 í kvöld.
Lilleström er í fimmta sæti í norsku úrvalsdeildinni þegar aðeins þrjár umferðir eru eftir en Magnus Haglund tilkynnti fyrir nokkru síðan að hann myndi hætta.
Fram kom í frétt Stöðvar 2 að Bjarni Guðjónsson, fyrrum fyrirliði KR, væri efstur á blaði hjá félaginu en hann var orðaður við þjálfarastarfið um leið og fréttir bárust af því að Rúnar gæti tekið við Lilleström.
Athugasemdir