Það var rólegt yfir spænska boltanum í kvöld. Það var einn leikur spilaður og þar mættust Osasuna og Betis á heimavelli fyrrnefnda liðsins. Þetta var fyrsti leikurinn í níundu umferðinni sem rúllar um helgina.

Bæði lið voru í neðri hlutanum fyrir leikinn og það munaði aðeins tveimur stigum; Osasuna var með sex stig á meðan Betis var með átta. Það mátti því búast við hörkuleik í kvöld og sú varð raunin.

Hinn reynslumikil Joaquin kom Betis yfir á 19. mínútu, en í upphafi seinni hálfleiks náði Roberto Torres að jafna fyrir heimamenn í Osasuna.

Það virtist lengi vel stefna í jafntefli, en þegar þrjár mínútur voru eftir af venjulegum leiktíma dró til tíðinda. Einn af varamönnum Osasuna, Emmanuel Riviere, lét reka sig af velli og í kjölfarið kom sigurmark Betis.

Lokatölur því 2-1 og dramatískur sigur Betis staðreynd. Osasuna er í fallsæti með 6 stig eftir níu leiki, en eftir þennan sigur í kvöld er Betis komið upp í efri hlutann með 11 stig.

Stöðutöfluna í deildinni má sjá hér að neðan í heild sinni, en það gæti tekið smá tíma fyrir hana að uppfæra sig.