Diego Costa, framherji Chelsea á Englandi, er laus við meiðsli en Jose Mourinho, stjóri liðsins, staðfesti þetta í dag.
Costa var ekki með spænska landsliðinu sem mætti Hvíta Rússlandi og Þýskalandi á dögunum en hann hefur verið að glíma við meiðsli í nára.
Mourinho gagnrýndi Vicente del Bosque, þjálfara spænska landsliðsins, er hann notaði Costa í undankeppni EM fyrr á leiktíðinni en að mati Mourinho þá þurfti Costa á hvíld að halda.
Hann er nú laus við öll meiðsli og er klár í slaginn gegn WBA á morgun.
,,Costa var að leggja hart að sér í marga klukkutíma í þessu ,,fríi" þegar landsleikirnir voru. Hann er að þokast í rétta átt núna og er laus við meiðslin," sagði Mourinho.
Athugasemdir