Halldór Orri Björnsson mun líklega ganga til liðs við uppeldisfélag sitt Stjörnuna á nýjan leik á næstu dögum.
Halldór Orri hefur æft með Stjörnunni undanfarna daga og hann spilaði með liðinu í 3-1 sigri á Haukum í æfingaleik fyrr í vikunni.
Halldór Orri hefur æft með Stjörnunni undanfarna daga og hann spilaði með liðinu í 3-1 sigri á Haukum í æfingaleik fyrr í vikunni.
,,Þetta klárast vonandi á næstu dögum. Það er samt ekkert öruggt fyrr en það er búið að skrifa undir," sagði Rúnar Páll Sigmundsson þjálfari Stjörnunnar við Fótbolta.net í dag.
,,Hann er búinn að æfa með okkur og vill koma. Við viljum fá hann líka og ég hef trú á að við náum að landa þessu."
Halldór Orri var á mála hjá Falkenbergs í Svíþjóð á nýliðnu tímabili en þessi 27 ára gamli leikmaður hefur skorað 65 mörk í 180 deildar og bikarleikjum Stjörnunni á ferli sínum.
Athugasemdir