þri 21. nóvember 2017 22:51
Guðmundur Aðalsteinn Ásgeirsson
Ronaldo bætti met - Tómas hissa á sendingu hans
Mynd: Getty Images
Cristiano Ronaldo heldur áfram að skora í Meistaradeildinni þó hann eigi erfitt með að skora heima fyrir, á Spáni.

Ronaldo skoraði tvö mörk í 6-0 sigri á APOEL á Kýpur í kvöld er Madrídingar tryggðu sér farseðilinn í 16-liða úrslit.

Ronaldo er kominn með 18 mörk í Meistaradeildinni á árinu 2017 og er það splunkunýtt met hjá kappanum.

Ronaldo var ekki bara í því að skora í kvöld því hann lagði líka upp. Hann lagði upp fjórða markið í leiknum fyrir Karim Benzema og vakti það athygli hjá íþróttafréttamanninum Tómasi Þór Þórðarsyni.

Tómas var að lýsa leiknum á Stöð 2 Sport og var steinhissa á því þegar Ronaldo sendi boltann í góðri stöðu.

Myndband af því er hér að neðan.





Athugasemdir
banner
banner
banner
banner
banner