Memphis Depay er einn af efnilegustu leikmönnum heims, en þessi tvítugi Hollendingur spilar fyrir PSV í heimalandinu.

Depay er með 15 mörk og sex stoðsendingar í 21 leik á tímabilinu og er einungis tímaspursmál hvenær eitthvað stórlið mun opna budduna og fá þennan leikmann í sínar raðir.

Depay stóð sig ótrúlega vel í 5-0 sigri PSV gegn Go Ahead Eagles á laugardag. Auk þess að skora tvö mörk sýndi Depay magnaða takta og má sjá hápunkta af frammistöðu hans hér að neðan.