Einn leikur fór fram í Championship deildinni í kvöld og var það Íslendingaliðin Bristol City og Fulham sem mættust

Því miður komu Íslendingarnir ekkert við sögu í leiknum. Ragnar Sigurðsson var ekki í leikmannahópi Fulham og Hörður Björgvin Magnússon sat allan tímann á varamannabekk Bristol.

Fulham komst yfir á 17. mínútu þegar Lucas Piazon skoraði.

Tom Cairney tvöfaldaði forystu Fulham á 55. mínútu og urðu mörkin ekki fleiri.

Stigin þrjú voru mikilvæg fyrir Fulham og komust þeir upp í 7. sæti deildarinnar og eru þeir nú 6 stigum á eftir umspilssæti.

Það gengur hins vegar lítið upp hjá Bristol þessa dagana og eru þeir aðeins 2 stigum frá fallsæti.