Krasnodar og Schalke komust einnig í 16-liða úrslit
Manchester United, Krasnodar frá Rússlandi og þýska liðið Schalke verða í pottinum þegar dregið verður í 16-liða úrslit Evrópudeildarinnar. Þessi þrjú lið voru að klára sín einvígi í 32-liða úrslitum rétt í þessu.
Manchester United fór til Frakklands og mætti Saint-Etienne. Formsatriði fyrir United að klára dæmið eftir 3-0 sigur í fyrri leiknum.
Manchester United fór til Frakklands og mætti Saint-Etienne. Formsatriði fyrir United að klára dæmið eftir 3-0 sigur í fyrri leiknum.
Jose Mourinho tefldi fram öflugu liði og Henrikh Mkhitaryan skoraði eina mark leiksins eftir 17 mínútna leik eftir frábæran undirbúning og fyrirgjöf Juan Mata.
Mkhitaryan þurfti að yfirgefa völlinn nokkrum mínútum síðar en hann hélt aftan í lærið á sér þegar hann gekk af velli.
Á 60. mínútu fékk varnarmaðurinn Eric Bailly að líta gula spjaldið. Þremur mínútum síðar fékk hann sitt annað gula spjald, þar með rautt og fór í sturtu. Bailly verður í leikbanni í fyrri leik United í 16-liða úrslitum.
Saint-Etienne 0 - 1 Manchester Utd (Samtals: 0-4)
0-1 Henrikh Mkhitaryan ('17 )
Rautt spjald: Eric Bailly, Manchester Utd ('63)
Fenerbahce 1 - 1 FK Krasnodar (Samtals: 1-2)
0-1 Fedor Smolov ('7 )
1-1 Souza ('41 )
Schalke 1 - 1 PAOK (Samtals 4-1)
1-0 Alessandro Schopf ('23 )
1-1 Matija Nastasic ('25 , sjálfsmark)
Athugasemdir