Portúgalska stórliðið Benfica hefur boðið Mikael Agli Ellertssyni, ungum og efnilegum leikmanni Fram, að koma til æfinga í knattspyrnuakademíu félagsins í Lissabon.
Frá þessu er greint á heimasíðu Safamýrarfélagsins.
Frá þessu er greint á heimasíðu Safamýrarfélagsins.
Að sögn Pedro Ferreira, yfirmanns hjá Benfica, er þetta í fyrsta skipti sem ungum íslenskum fótboltamanni er boðið til æfinga hjá félaginu.
Þetta boð kemur í framhaldi af heimsókn fulltrúa Fram til Benfica á síðasta ári. Í þeirri ferð var starfsemi Fram kynnt fyrir forráðamönnum Benfica en eins og kunnugt er þá er Pedro Hipolito, þjálfari Fram, fyrrum leikmaður félagsins.
Í framhaldi af kynningu Benfica á sínu ungmennastarfi hefur Fram sent upplýsingar um unga leikmenn til yfirmanna knattspyrnumála hjá Benfica sem síðan hafa sent njósnara til að fylgjast með leikjum Fram í vetur. Mikael, sem er fæddur 2002, hefur vakið verðskuldaða athygli í undanförnum leikjum enda einn yngsti leikmaður í sögu Fram til að spila opinbera leiki með meistaraflokki félagsins.
„Mikael Egill fær núna verðskuldað tækifæri til að spreyta sig gegn mörgum af efnilegustu ungu knattspyrnumönnum Evrópu við bestu aðstæður í Lissabon."
Athugasemdir