Víkingurinn Óttar Magnús Karlsson er í landsliðshópi Íslands í fyrsta sinn fyrir mótsleik. Þessi tvítugi sóknarmaður gekk í vetur í raðir Molde í Noregi þar sem miklar væntingar eru bundnar við hann.
„Tilfinningin er æðisleg og það er mikill heiður að vera valinn. Ég er ánægður með að vera í þessum hóp," segir Óttar.
Frammistaða Óttars á undirbúningstímabilinu með Molde hefur verið lofandi.
„Þetta hefur gengið vel hingað til, ég hef spilað slatta og verið að skora einhver mörk. Ég finn mig vel í liðinu og tengi vel við strákana. Þetta er mjög fínt."
Þjálfari Molde er Ole Gunnar Solskjær, fyrrum markahrókur Manchester United. Óttar segir að Solskjær hafi hjálpað sér.
„Hann hefur komið með marga litla punkta varðandi staðsetningar og hvernig eigi að klára færin. Hann er að kenna manni sitt lítið af hverju."
Sjáðu viðtalið í heild sinni í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir