Þar æfir íslenska landsliðið sig fyrir leikinn gegn Kosovo í undankeppni HM 2018 á föstudaginn en leikið verður í Albaníu. Íslenska liðið fékk fyrirlestur hjá Arnari Bill Gunnarssyni fræðslustjóra KSÍ í gær en hann tók út lið Kosovo fyrir Ísland.

„,Við tókum fund í gær og þetta er hörkulið sem við erum að fara að mæta. Þetta eru leikmenn sem eru að spila í góðum deildum með góðum liðum í Evrópu og hafa verið að gera vel. Þó þeir hafi ekki fengið mörg stig þá hafa þeir verið að gefa þessum liðum leiki, og þá sérstaklega Tyrklandi þar sem það var 0-0 í hálfleik og þeir fengu dauðafæri rétt fyrir hálfleik og hefðu getað komist yfir. Við þurfum að eiga toppleik til að ná að klára þá."

Sverrir Ingi hefur verið að spila mjög vel með spænska félaginu Granada að undanförnu á meðan Kári Árnason og Ragnar Sigurðsson miðverðir Íslands hafa lítið spilað að undanförnu. En verður Sverrir Ingi svekktur ef hann byrjar ekki á föstudaginn?

„Nei, það verð ég ekki. Þetta landslið er búið að sýna það undanfarin ár að allir leikmennirnir hafa spilað frábærlega og við höfum spilað mikið á sama liðinu. Núna er kominn nýr hópur og mikið um meiðsli en það kemur bara maður í manns stað. Þessir leikmenn sem hafa spilað síðustu leiki hafa verðskuldað það. Við höfum verið að gera vel fyrir utan leikinn í Króatíu þar sem við vorum að spila við sterkan mótherja. Ég verð alls ekki svekktur, ég er ungur leikmaður, 23 ára og veit að mitt tækifæri mun koma í landsliðinu með tímanum. En ef Heimir vill nota mig verð ég klár og mun gera mitt besta."

Nánar er rætt við Sverri Inga í sjónvarpinu hér að ofan.

Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki