„Ég hélt að maður myndi sleppa við rok og svona, en það er bara það sama!" sagði bakvörðurinn Birkir Már Sævarsson á landsliðsæfingu í Kaliforníu í gær.
Það var skýjað og smá vindur meðan á æfingunni stóð en liðið er að búa sig undir tvo vináttulandsleiki, gegn Mexíkó á föstudagskvöld og svo gegn Perú í næstu viku.
Það var skýjað og smá vindur meðan á æfingunni stóð en liðið er að búa sig undir tvo vináttulandsleiki, gegn Mexíkó á föstudagskvöld og svo gegn Perú í næstu viku.
„Þetta er skemmtilegt og spennandi verkefni. Það er gaman að mæta svona liðum sem við erum ekki vanir að mæta. Þetta eru virkilega góð lið."
Eftir leikinn gegn Perú, sem fram fer á heimavelli San Francisco 49ers, verður langt flug til New York þar sem leikurinn gegn Perú fer fram. Þessi vináttuleikjaferð er góð upphitun fyrir Rússland.
„Þetta líkist því sem við erum að fara í. Það er annað tímabelti, langt flug og góðir andstæðingar sem við mætum. Það er svona svipað."
Birkir Már snéri aftur til Vals í vetur. Er ekki furðulegt að vera að taka þátt í Lengjubikarnum vitandi að HM sé framundan?
„Það er náttúrulega svolítið spes en ef ég væri í Svíþjóð þá væri ég í svipuðum pakka. Þetta er ekki eins mikil umbreyting og fólk heldur."
Talað var um að mögulegt væri að Birkir færi á lán erlendis fyrir HM en hann segir að það séu litlar líkur á því að það gerist.
Sjáðu viðtalið í heild í sjónvarpinu hér að ofan.
Athugasemdir