Frá útsendingunni í gær.
Mikill áhugi er á landsliði Mexíkó sem er, rétt eins og Ísland, að búa sig undir HM í Rússlandi. Mexíkó er með Þýskalandi, Svíþjóð og Suður-Kóreu í riðli í sumar.
Mexíkósk sjónvarpsstöð bauð upp á rándýra umfjöllun um vináttulandsleikinn gegn Íslandi sem verður í Santa Clara annað kvöld.
Mexíkósk sjónvarpsstöð bauð upp á rándýra umfjöllun um vináttulandsleikinn gegn Íslandi sem verður í Santa Clara annað kvöld.
Blásið var upp pallborðsumræðum um leikinn og þá var skipt yfir í beina útsendingu frá fjölmiðlamönnum sem höfðu verið á æfingu Íslands fyrr um daginn.
Fjölmiðlar fengu aðeins að fylgjast með fyrstu fimmtán mínútum æfingarinnar en myndatökumaður sjónvarpsstöðvarinnar dó ekki ráðalaus.
Hann faldi sig í runna og tók upp myndskeið sem sýnd voru í útsendingunni í gær. Sjónarhornið var ekki upp á marga fiska og lítið sem hægt var að greina úr þessari njósnastarfssemi mexíkóska sjónvarpsins.
Leikur Íslands og Mexíkó á morgun verður klukkan 2 að íslenskum tíma en með því að smella hérna má sjá líklegt byrjunarlið Íslands.
Ekkert leikið sér. Pallborðsumræður um vináttuleik við Ísland tveimur dögum fyrir leik #fotboltinet pic.twitter.com/ShoK5pfvul
— Elvar Geir Magnússon (@elvargeir) March 22, 2018
Athugasemdir
