Í dag tilkynnti Freyr Alexandersson, landsliðsþjálfari, landsliðshóp Íslands sem mun mæta Slóveníu 6. apríl og Færeyjum 10. apríl næstkomandi. Báðir leikirnir eru í undankeppni HM.
Freyr gerir nokkrar breytingar á liðinu frá því á æfingarmótinu á Algarve en má þar helst nefna að framherjinn Harpa Þorsteinsdóttir er í hópnum að þessu sinni.
Freyr gerir nokkrar breytingar á liðinu frá því á æfingarmótinu á Algarve en má þar helst nefna að framherjinn Harpa Þorsteinsdóttir er í hópnum að þessu sinni.
„Við fækkum hópnum um þrjár frá því í Portúgal og svo eru Elín Metta og Harpa tilbúnar að koma til baka og ég vil fá þær inn í hópinn núna því þær hafa einfaldlega gert mikið fyrir okkur síðustu ár, segir Freyr.
Þær Berglind Björg Þorvaldsdóttir og Katrín Ásbjörnsdóttir hafa verið fastamenn í landsliðinu en Freyr valdi þær ekki að þessu sinni
„Berglind og Katrín áttu ekki sitt besta mót í Portúgal sóknarlega en ég veit nákvamlega hvað þær geta og þær eiga helling inni báðar tvær. Þær munu sanna sig í leikjunum í vor og upphafi sumars fyrir næsta hóp sem er valinn."
Selma Sól Magnúsdóttir, leikmaður Breiðabliks. átti frábært mót út í Algarve og spilaði sig inn í hópinn
„Selma er fyrst og síðast bara góður knattspyrnumaður og hefur hæfileika til að spila margar leikstöður en hún mun fyrst og síðast leysa vængbakvarðastöðuna."
Freyr segir næstu þrjá leiki í undankeppni vera þrjú skref í átt að markmiðinu, að komast á HM.
Við vitum af því að ef við fáum níu stig úr þessum leikjum þá verða úrslitaleikir hér við Tékkland og Þýskaland heima."
Markmiðið er skýrt hjá landsliðinu.
„Okkur langar til þess að koma upp hátíð í haust gegn þessum þjóðum um það að komast á heimsmeistararmótið. Við erum í þeirri stöðu," segir Freyr, en það er ljóst að ef kvenna landsliðið nær í níu stig úr þessum þremur leikjum munu fara fram hreinir úrslitaleikir um þáttökurétt á HM gegn Þýskalandi og Tékkland hér heima í gryfjunni okkar Laugardalsvelli.
Sjá einnig:
Landsliðshópurinn: Harpa snýr aftur
Athugasemdir