Emma Higgins verður í markinu hjá Selfossi
Chante Sandiford, fyrrum markvörður Selfoss, hefur samið við eitt sterkasta liðið í Noregi, Avaldsnes.
Hún staðfestir þetta við Fótbolta.net.
Hún staðfestir þetta við Fótbolta.net.
Selfoss bauð henni ekki nýjan samning eftir síðustu leiktíð.
„Þetta var áfall fyrir mig. Ég ákvað að vera áfram hjá félaginu eftir að við féllum í fyrra og hélt tíu sinnum hreinu í sumar, fékk fæst mörk að meðaltali á mig og hjálpaði okkur aftur upp í Pepsi-deildina," sagði Chante við Fótbolta.net í fyrra.
Hin 27 ára gamla Chante hafði í hyggju að spila aftur á Íslandi en hún hefur nú ákveðið að flytja búferlum til Noregs og semja við gamla Íslendingaliðið Avaldsnes. Hólmfríður Magnúsdóttir, Þórunn Helga Jónsdóttir og Guðbjörg Gunnarsdóttir hafa allar spilað með liðinu, sem hefur endaði í öðru sæti í Noregi í þrjú ár í röð.
Selfoss komst upp í Pepsi-deildina á síðustu leiktíð og mun Emma Higgins, fyrrum markvörður Grindavíkur verja mark liðsins í sumar.
Athugasemdir