Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 22. mars 2018 09:20
Magnús Már Einarsson
Man Utd vill fá Varane - Jorginho til Liverpool?
Powerade
Raphael Varane er orðaður við Manchester United.
Raphael Varane er orðaður við Manchester United.
Mynd: Twitter
Jorginho er sagður á óskalista Liverpool.
Jorginho er sagður á óskalista Liverpool.
Mynd: Getty Images
Ensku slúðurblöðin hafa nægan tíma til að velta sér upp úr kjaftasögum fyrir sumargluggann. Kíkjum á það helsta í dag.



Manchester United er að íhuga tilboð Raphael Varane (24) varnarmann Real Madrid en hann er metinn á 50 milljónir punda. (Mirror)

Jose Mourinho, stjóri Manchester United, var ósáttur við að vera truflaður af Paul Pogba í sjónvarpsviðtali eftir 2-1 sigurinn á Liverpool á dögunum. (Sun)

Chelsea ætlar að blanda sér í baráttuna um Toby Alderweireld (29) varnarmann Tottenham en hann er með 25 milljóna punda riftunarverð í samningi sínum. (Mirror)

Liverpool ætlar að kaupa Jorginho (26) frá Napoli í sumar til að fylla skarð Emre Can sem er líklega á förum. Jorginho er metinn á 50 milljónir punda. (Mirror)

Arsenal þarf að borga að minnsta kosti 35 milljónir punda ef félagið ætlar að kaupa varnarmanninn Ruben Dias (20) frá Benfica í Portúgal. (Record)

Mark Hughes, stjóri Southampton, vill fá Xherdan Shaqiri (26) frá fyrrum félagi sínu Stoke á 20 milljónir punda. (Star)

Oguzhan Ozyakup (25), miðjumaður Besiktas, fer til Everton í sumar ef Jack Wilshere (26) kemur ekki frá Arsenal. (Turkish-Football.com)

Burnley er í bílstjórasætinu í baráttunni um Craig Dawson (27) varnarmann WBA. Dawson fer frá WBA á tíu milljónir punda þegar liðið fell úr ensku úrvalsdeildinni í vor en Aston VIlla og Middlesbrough hafa líka áhuga á honum. (Mirror)

Stoke hefur sektað vinstri bakvörðinn Erik Pieters um 70 þúsund pund eftir að hann sást á skemmtistað á föstudagskvöldið, daginn fyrir leikinn gegn Everton. (Telegraph)

Joao Mario (25) reiknar ekki með að fara aftur til Inter í sumar. Portúgalski miðjumaðurinn er á láni hjá West Ham frá Inter en Hamrarnir eiga möguleika á að kaupa hann í sumar. (London Evening Standard)

Real Madrid hefur samþykkt 113 milljóna punda tilboð frá kínversku félagi í Gareth Bale (28) en leikmaðurinn vill sjálfur ekki fara frá Real nema í annað stórlið í Evrópu. (Diario Gol)

Barcelona ætlar að senda njósnara sína að fylgjast með Matthijs de Ligt (18) varnarmanni Ajax þegar hann spilar með hollenska landsliðinu í komandi vináttuleikjum gegn Englandi og Portúgal. (Mundo Deportivo)

Atletico Madrid þarf að greiða 105 milljónir punda ef félagið ætlar að landa Paulo Dybala (24) framherja Juventus. (Mail)

Raul, fyrrum framherji Real Madrid, er að koma inn í þjálfaralið félagsins. (Marca)

Ronaldinho er á leið í framboð í heimalandi sínu Brasilíu. (Mail)
Athugasemdir
banner
banner
banner
banner