Útvarpsþátturinn Fótbolti.net er ómissandi hluti fyrir marga fótboltaáhugamenn en hann hefur verið í gangi á laugardögum á X-inu í mörg ár þar sem Elvar Geir Magnússon og Tómas Þór Þórðarson ráða ríkjum.
Í tilefni af afmæli Fótbolta.net fyrir viku var aðeins farið yfir sögu þáttarins í síðasta útvarpsþætti.
Þátturinn fór fyrst í loftið 19. febrúar 2005, þá á útvarpsstöðinni X-FM. Það var Gunnar Jarl Jónsson, núverandi milliríkjadómari, sem átti hugmyndina að þættinum og fékk Elvar með sér í verkefnið.
Á fyrstu árum sínum var hann á ákveðnu umbreytingarskeiði en festi svo almennilega niður rótum þegar hann flutti sig á X-ið 97,7.
Elvar og Magnús Már Einarsson ræddu við Gunnar Jarl í útvarpsþættinum fyrir viku og má heyra spjallið í spilaranum hér að ofan.
Athugasemdir